أيوة بأقبل

باقبل التنوع و عدم الكمال  باقبل ان الحياة مواسم و عمرها ما كانت و لا هاتكون كاملةلا لياو لا لغيري

ايوه باقبل انه فيه يوم مطر و يوم مشمس ، في برد و في حر ،صيف وشتا ،ربيع و خريف و نهار وليل

ايوه باقبل النجاح و كمان الفشل ايوه باقبل ان زي مافي ايام سعيدة و مريحة لكن كمان في ايام حزينة و شاقة

ايوة باقبل اني اعيا و اتعب زي ما باستمتع ايام ما صحتي كويسة

ايوة باقبل اني اتعب و اشتغل و كمان اخد اجازة و ارتاح و اتفسح

ايوة باقبل ان ظروفي المادية اقل من ناس كتير لكنها برضه حلم لناس تاني

ايوة باقبل انه يكون عندي وقت فراغ اانتخ فيه بس برضه سعات باكون مش لاحقة اخلص اللي ورايا

ايوة باقبل اني اوقات اكون وسط الناس و اوقات تاني اغرق في الوحدة

ايوه باقبل انه برغم وجود ناس بيحبوني لكن كمان حواليا في ناس مش بيحبوني و لا يتمنولي الخير

ايوة باقبل اني عندي عقد نفسية باحاول اعالجها و ان اللي حواليا زيي فسعات بنتعب بعض

باقبل لانها حقيقة ماينفعش انكرها لكن لازم اتعامل معاها و اعيشها.

رشا عزب