fbpx

الستات بيخوفوا

Written by on 20 May 2018

احنا الرجالة فيه كتير مننا بيخاف من الست اللي ليها حياة خارج اطار حياته الشخصي .. علشان كده تلاقي معظمنا بيدور علي واحدة من غير تجارب ولا خبرات شخصية ولا صداقات ، فتلاقيها في النهاية بنت سطحية وتفكيرها محدود مش فاهمة الدنيا ولا قادرة توازن الامور ولا تقدر حسابات مكسب وخسارة ، فتلاقيه هو شخصياً بدأ يعاني من قلة بصيرتها وتعلقها الزايد عن الحد فهو بالنسبالها كل حاجة ومش هتعرف تعمل حاجة الا بيه !

الأب بيخاف علي بنته من أي حياة مستقلة فيها ولو حتي شئ من الاتفتاح أو الحرية حتي لو كانت حرية من أجل التعليم واستكشاف الدنيا !

الأم تلاقيها من كتر اللي عانته بتتبقي ذكورية أكتر من الأب وبتتعامل مع البنت علي أساس أنها هتجبلها العار !

عارف مفهوم العار والعيب المسيطر عندنا في ثقافتنا هو أساس كل مشاكل ده ، تخس البنت ده مشروع عار ولا قنبلة هتنفجر وعاوزين يسيطروا عليها بأي شكل وبأي طريقة وأيا كانت النتيجة !

لما البنت في مصر بتتربي كده بيخليها تطلع نفسيا متدمرة بتكتئب بسرعة بتكبر المشاكل وهيبقي ليها حياة سرية محدش عارفها !

المبالغة في الكلام عن الشرف ويبقي كل التركيز عليه مش بيحصل غير في المجتمعات الفاشلة المنحلة أخلاقيا وأنسانيا واللي فيها جسد المرأة مجرد اثبات لبقايا الفضيلة المتوهمة !

الاخلاق والفضيلة ممكن يتحافظ عليها في جو من الحرية مش أنك تفطسهم !

ريمون رأفت


Reader's opinions

Leave a Reply

Your email address will not be published. Required fields are marked *



Current track

Title

Artist