fbpx

لمسات الله في كل يوم

Written by on 25 October 2018

 

لما تكون حاسس بفشل و تلاقي حد متصل ياخد رايك في حاجة و يقولك انا باثق في رايك اوي ….يبقي ربنا بيوريك نص الكوباية المليان

لما تكون حاسس برفض من اقرب اصحابك و تلاقي شخص جميل بدا يقرب منك و يملا المكان اللي فضي …يبقي ربنا بيسندك .

لما تضيع منك فرصة و تزعل عليها اوي و تفضل تلوم نفسك انك ضيعتها و بعد فترة تعرف انها كانت فخ ….اعرف ان ربنا بيفدي حياتك .

لما تكون عطشان لكلمة حب و تشجيع من شريك حياتك و مش لاقي و يجي حد من اصحابك بيمدحك و بيعبرلك عن حبه و قد ايه انت غالي عنده ….يبقي ربنا بيطبطب عليك .

لما تبقي حاسس بارهاق و يجيلك يوم شغل خفيف علي غير المتوقع ….يبقي ربنا حاسس بيك .

لما تبقي خايف من موقف معين بس لازم تعدي فيه و تلاقي الظروف اتغيرت و محصلش …يبقي ربنا عنده مخارج .

لما تكون مزنوق في الفلوس اوي و تجيلك فلوس ماكنتش عامل حسابها او حق قديم ليك ماخدتهوش ….يبقي ربنا بيحفظ حقك .

لما تكون مكتءب و تصحي تلاقي الشمس طالعة بعد كذا يوم غيوم و الجو جميل …فتشوف جمال خليقة ربنا فتفرح .

لما تسيب شغل من كتر الضغط او يمشوك منه ظلم و تلاقي شغل احسن منه …. يبقي بس ربنا بيحركك علشان ماكنتش هاتتحرك غير كده .

لمسات الله في كل يوم و كل لحظة بس محتاجة قلب حساس و عيون مفتوحة تدركها

رشا عزب

Tagged as

Reader's opinions

Leave a Reply

Your email address will not be published. Required fields are marked *



Current track

Title

Artist