نارنيا – المشهد الأخير

معني القيامةً ( رويا خاصة لروايه نارنيا . سي.اس. لويس)

هل الشيطان كان فاهم خطة الله للفداء ؟ اعتقد انه لو كان فاهم كان اكيد هايحاول يمنعها . الاغلب انه كان فاكر انه بينتصر علي الله بكل الشر اللي وضعه في نفوس البشر ( اللي سلمه و اللي حكم عليه و اللي نفذ الصلب ) و كان فاكر ان الصلب هو مشهد النهاية . متهيالي انه زي كل الناس اللي سمعوا يسوع بيتكلم عن القيامة و مافهموش ( انقضوا هذا الهيكل و في ثلاثة ايام اقيمه ) الا بعد القيامة .

القيامة كانت مفاجاة للشيطان اللي افتكر انه عرف يحط نهاية ماساويه لحياة المسيح .

في القيامة رجاء و امل ان الموت مش هو الاخر . درس عملي ان الله عنده مخرج محدش كان ممكن يفكر فيه و سيناريو يقلب خطة ابليس المحكمة

شفت معني القيامة في دانيال لما اترمي في جب الاسود . طلع لسه في مشهد تاني . دانيال حي و الاسود ما لمستهوش

شفت القيامة في الفتية اللي اترموا في الاتون …. بس لم تكن للنار قوة علي اجسادهم

شفت القيامة في بطرس اللي انكر لكن رجع عشان يثبت اخواته

شفت القيامة في كل مشكلة في حياتي شفت فيها اخر الخط و الله مد ايده و كتب بدايه جديدة

في المسيح في قيامة في المسيح في امل

رشا عزب